काठमाडौ । चन्द्रागिरि नगरपालिकाले मातातिर्थ औँशीको दिन सार्वजनिक बिदा दिने निर्णय गरेको छ । नेपाली हिन्दु धर्मावलम्बीको महान चाडपर्वको रूपमा रहेको मातातिर्थ औँशी अर्थात आमाको मुख हेर्ने दिन चन्द्रागिरि नगरपालिका भित्र सार्वजनिक बिदा दिने निर्णय गरेको हो।
चन्द्रागिरि नगरपालिका कार्यपालिकाको बैठकले चन्द्रगिरि नगरपालिका वडा नम्बर ६ मातातिर्थ कुन्डमा लाग्ने मेलाको दिन बैशाख ७ गते चन्द्रगिरि नगरपालिकामा सार्वजनिक बिदा दिने निर्णय गरेको प्रमुख प्रशासकीय अधिकृत जीवन प्रसाद आचार्यले बताए ।
मातातिर्थ औँशीको दिन दिन दिवङ्गत आमाको सम्झनामा चन्द्रागिरि थानकोटमा मातातिर्थ मेला लाग्छ । आमा नहुनेले सो दिन बिहानै तीर्थमा गई स्नानका साथै दर्शन र पूजा गर्छन ।
