बागलुङ । गण्डकी प्रदेशका मुख्यमन्त्री सुरेन्द्रराज पाण्डेले टुक्रे योजना र बजेटलाई नियन्त्रण गर्ने तयारीमा प्रदेश सरकार रहेको बताएका छन ।
बागलुङ नगरपालिकाले आयोजना गरेको ‘हाम्रा ३६५ दिन, सम्मान तथा चियापान’ कार्यक्रमलाई शनिवार सम्बोधनको क्रममा उनले भने स–साना टुक्रे काम गर्ने जिम्मेवारी स्थानीय तहको भएकोले प्रदेशले दीर्घकालीन महत्वको योजनामा जोड दिइने छ । जनप्रतिनिधि भएको एक बर्षमा नै कामको मूल्याङ्कन गर्नेु भन्दा कामको सुरुआत गर्ने दिशा समात्यो कि समातेन भनेर हेर्ने समय भएको उनले बताए ।
बागलुङ नगरपालिकाले निर्वाचित प्रतिनिधि सभा, प्रदेश सभा, पूर्वजनप्रतिनिधि, किसान, व्यवसायी, विद्यार्थी, विद्यालय, विद्यालय व्यवस्थापन समिति, खेलाडि, कर्मचारी, पत्रकार र सामाजिक व्यक्तिलाई सम्मान समेत गरेको छ ।
