बागलुङ । बागलुङको ढोरपाटन नगरपालिकाका मेयर देवकुमार नेपालीलाई एमाले गण्डकी प्रदेश कमिटीले निलम्बन गरेको छ । एमालेका गण्डकी प्रदेश कमिटी सदस्य समेत रहेका नेपालीले सहकारीको करोडौं रुपैया अपचलन गरि फरार भएपछि आरोप लागेपछि पार्टीले निलम्बन गरेको हो । गत निर्वाचनमा नेपाली नेकपा एमालेबाट दोस्रो पटक ढोरपाटनको मेयर निर्वाचित भएका थिए ।

इमेज बचत तथा ऋण सहकारी संस्थाका अध्यक्षसमेत रहेका मेयर नेपालीलाई सहकारीका बागलुङ र पोखराका बचतकर्ताले प्रशासनमा उजुरी दिएको र अध्यक्ष नेपालीलाई अध्यागमन विभागले विदेश यात्रामा रोक लगाएकोले छानबिनका लागि निलम्बन गरेको नेकपा प्रदेश कमिटीले जनाएको छ । घटनाको निरुपण नहुँदासम्मका लागि प्रदेश कमिटी सदस्यबाट निलम्बन गरिएको प्रदेश कमिटी सचिव धनञ्जय दवाडीले बताए।

नेपाली जेठ ५ गतेदेखि सम्पर्कविहीन बनेका छन । पोखरा र बागलुङमा इमेज बचत तथा ऋण सहकारी संस्थामा बचतकर्ताले जम्मा गरेको २ अर्ब रुपैया नेपालीले अपचलन गरेको पाइएको छ ।