काठमाडौँ । सर्वोच्च अदालतको प्रधानन्यायाधीश नियुक्ति प्रक्रिया अघि बढेको छ । मंगलबारको संसदीय सुनुवाई समितिको बैठकले हरिकृष्ण कार्कीलाई प्रधानन्यायाधीशमा सिफारिश गर्ने निर्णय गरेसँगै प्रधानन्यायाधीश नियुक्ति प्रक्रिया अघि बढेको हो ।
प्रधानन्यायाधीशमा सिफारिस भएका कामु प्रधानन्यायाधीश कार्कीविरुद्ध १० दिनभित्र उजुरी आह्वान गरिएको छ । संसदीय सुनुवाइ समितिको पहिलो बैठकले सार्वजनिक सूचना प्रकाशन गरी १० दिनभित्र उजुरी लिने निर्णय गरेको हो । सार्वजनिक सूचना गोरखापत्रमा प्रकाशन तथा नेपाल टिभीबाट प्रसारण गरिने भएको छ ।
कार्की संवैधानिक परिषद्बाट गत वैशाख २५ गते सर्वोच्चका लागि प्रधानन्यायाधीशमा सिफारिस भएका थिए । झन्डै १५ महिनादेखि कार्की सर्वोच्चमा कामु प्रधानन्यायाधीशको रूपमा रहेका छन।
