बागलुङ । बागलुङमा बुधबार बिहान पिकअप जिप दुर्घटनामा मृत्यु भएका दुई जनाको सनाखत भएको छ । पिकअफ जिप दुर्घटनामा परि मृत्यु भएका चालक र अर्का एक जनाको सनाखत भएको छ ।
दुर्घटनामा परि चालक पर्वत जिल्लाको कुश्मा नगरपालिका-१ मालडुङ्गाका वर्ष २८ का राजेन्द्र माझी र बागलुङको जैमिनी नगरपालिका -१० राङ्खानीका ३६ बर्षिया दुर्गा पौडेलको घटनास्थलमा नै मृत्यु भएको जिल्ला प्रहरी कार्यालय बागलुङका प्रमुख योगेन्द्र कुमार खड्काले जानकारी दिए ।
गल्कोटदेखि बागलुङ सदरमुकाम आउदै गरेको ग १ च ९४८५ नम्बरको पिकअप जिप मध्येपहाडी लोकमार्ग अन्र्तगत बागलुङको काठेखोला गाउँपालिका –५ ठुलढुङ्गामा दुर्घटना भएको थियो । जिपमा दुई जनामात्र सवार रहेको प्रहरीले जनाएको छ ।गल्कोटमा सामान बिक्री गरि फर्कदै गरेको पिकअफ जिप सडकदेखि ५ सय मिटर तल खसेको थियो ।
