काठमाडौँ । सातै प्रदेशका प्रमुख र मुख्यमन्त्रीहरूका लागि भैेंसेपाटीमा प्रत्येक प्रदेशका लागि एउटा भवन तयार भएको छ । सो भवनमा प्रदेश प्रमुख र मुख्यमन्त्रीहरूका लागि छुट्टाछुट्टै ब्लक निर्माण गरिएको छ ।
प्रधानमन्त्री पुष्पकमल दाहाल प्रचण्डले प्रदेश प्रमुख र मुख्यमन्त्रीहरूका लागि तयार आवास गृह आइतबार हस्तान्तरण गरेका छन् ।
मुख्यमन्त्री र प्रदेश प्रमुखले काठमाडौँ आउँदा बस्नका लागि भवन प्रयोग गर्ने भएका छन । आवास भवन ८५ करोडको लागतमा निर्माण गरिएको जनाइएको छ । २७ रोपनी १३ आना क्षेत्रफलमा मुख्यमन्त्री र प्रदेश प्रमुखको भवन तथा सम्पर्क कार्यालयहरु निर्माण गरिएको छ ।
