बागलुङ । राष्ट्र, धर्म, संस्कृति र नागरिक बचाउ अभियान नेपाल,बागलुङले लोकतान्त्रिक चोकमा आयोजना गरेको सभालाई सम्बोधन गर्न यहाँ आएका दुर्गा प्रसाईमाथि हातपात भएको छ ।
मञ्चमा जाने क्रममा प्रसाईमाथि चप्पल प्रहार भएको थियो । प्रसाईमाथि हातपात गर्ने बागलुङका ३७ बर्षिय रामकान्त गौतमलाई नियन्त्रणमा लिएको जिल्ला प्रहरी कार्यालयका प्रहरी नायब उपरीक्षक मदन केसीले जानकारी थिए ।
हातपात गर्न खोजेपछि प्रसाईका सुरक्षा गार्ड र प्रहरीले रोकेका थिए । गौतमलाई अहिले जिल्ला प्रहरी कार्यालय बागलुङमा राखिएको छ । घटनाको बारेमा थप अनुसन्धान भइरहेको प्रहरी नायब उपरीक्षक केसीले बताए ।
तस्विरहरु: कमल थापा/बागलुङ
