बागलुङ । बागलुङमा ऐतिहासिक चैत्राष्टमी मेला हुने भएको छ । कालिका भगवती गुठी व्यवस्थापन समितिको आयोजनामा चैत २० देखि २५ गतेसम्म बिभिन्न सांस्कृतिक, धार्मिक सम्मेलन एवं खेलकुदका कार्यक्रमका साथ चैत्राष्टमी मेला हुन लागेको छ ।
गण्डकी प्रदेशकै सबैभन्दा ठुलो मेलाको रुपमा चिनिने चैत्राष्टमी मेलामा बागलुङ लगाएत अन्य छिमेकी जिल्लामा उत्पादन गरिएका डाला, नाङ्गला, ठेका, मादल तथा कृषि र घरेलु साम्रागीको बिक्री बितरण मुख्य केन्द्रको रुपमा मानिदै आएको कालीका भगवती गुठी व्यवस्थापन समितिका अध्यक्ष कुमार खडकाले बताउनुभयो ।
हरेक बर्ष जस्तै यस बर्षपनि मेलाको आयोजना गरिएको छ । बागलुङ, पर्बत म्याग्दी, लगाएतका पोखरा, बुटवल, चितवन, स्याङजा, गुल्मी काठमाण्डौ जिल्लाबाट र केही बिदेश पर्यटकहरु पनि मेला अवलोकन गर्न आउने गुठीका प्रेस सल्लाहाकार राजेशचन्द्र राजभण्डारीले बताउनुभयो ।
