काठमाडौँ — मुक्तिनाथ धामको महिमा समेटिएर तयार गरिएको ‘मुक्तिनाथ आरती’ भवन सार्वजनिक भएको छ । विश्वको तिर्थस्थलको रुपमा परिचित मुक्तिनाथलाई केन्द्रित गरि निमार्ण गरिएको भजन भिडियो सहित सार्वजनिक भएको हो । दिवाकर पौडेलको शब्द र रचनामा पारम्परिक लोकलयमा आधारित भजन महिला र पुरुषको छुट्टाछुट्टै आवाजमा दुई वटा रहेका छन ।
शास्त्रीय संगीतका प्रशिक्षक समेत रहेका तीर्थराज पोख्रेलको आवाजमा रहेको भजनलाई शब्द कौतुकी नामक युटुब च्यानलमा र नेपाल आईडल ०७८को फाइनल समेत रहेकी लक्ष्मी पौडेलको महिला आवाजको भजन गुरु परम्परा नामक युटुब च्यानल मार्फत सार्वजनिक गरिएको छ ।
भजनको संगीत एरेन्ज बच्चा सिंहको रहेको छ । अडियो मिक्सिङ एवं रेकर्डिङ कुमार केसीले गरेका छन । भजनको भिडियो निर्देशन, छायांकन एवं मिक्सिङ हरिकृष्ण रेग्मीले गरेका छन । संस्कृत युवामञ्च नेपालका विश्वराज सापकोटा, धनिराम ढकाल तथा गोविन्दराज गौतमले महाआरती गरेका छन । भजन मुस्ताङको मुक्तिनाथमा छांयाङकन गरिएको छ ।
